Klassenlagerbericht 5./6. B Beromünster: «Wenn die Chäser Hornussen gehen»

Die Klassen 5./6. B waren auf Hornussers Spuren in Wyssachen, im Emmental/Oberaargau im Lagerhaus Melli. Der Lagerbericht ist für einmal in Gedichtform geschrieben auf die Melodie des Liedes, das wir beim Bittgang über die Schanz gesungen haben. Die Schulkinder von Beromünster und Gunzwil sollten ihn ihren Eltern also vorsingen können. Viel Vergnügen beim Lesen oder Singen.

Met allne zäme im Lager, das esch der Hit

Mer nänd kei Stondeplan ond au kei Husi mit.

Mer spelid nome als Frönde – machid kei Sönde

Gniässid üsi Zit!

Chäse chömmer alli, mer händ’s sälber gmacht

Gfüret, grodt ond gstuunet, ond debie vöu glacht.

Wemmer müend go loufe, esch üs das egal

För üs as Sportskanone esch das ganz normal.

I de Chochi schaffet d’Ursi ganz famos

Mängisch dänkid alli, wiä macht sie das blos?

All im glieche Zemmer, chond das ächt denn guet

Es ged emmer EINE/EINI wo ned schlofe tued.

Wemmer ned chönd schlofe, hemmer en Idee

Mer hockid chli veruse, de stört mer niämer meh.

Esch de Lehrer hässig, rüeft är echli us

Mer send herti Siäche, das macht üs ned vöu us.

Mer send wiet ewägg, es Dorf esch ned in Secht

Aber üses Lager-Hus esch es Gedecht.

I de Badi sprengid all vom höche Torm

Aber ned met Chöpfler, söscht wärs allne storm.

Weisch was esch en NOUSS? Ech ha sie sälber gseh

Treffsch das Deng mou rechtig, chasch es fascht nömme gseh.

Hornussi ond Hornusser semmer alli gsi

Diä Chline ond diä Grosse, alli voll debi.

Jetz esch üses Lager leider scho verbi

Aber ech cha säge: Es esch SUPER gsi.

Recht herzlichen Dank an unsere Begleitpersonen und unsere Lagerköchin Ursi. Ihr habt uns super unterstützt und viel zum guten Gelingen dieses unfallfreien und erlebnisreichen Lagers beigetragen.

Was ist eigentlich Hornussen? Laut den Kindern ist dies eine Mischung zwischen Fischen und Golfen...

Text: Guido Paffrath und die ganze Schülerschar, Bilder: zvg